الهوية الصوتية لعلامتك التجارية

الصوت هو البصمة الخفية لعلامتك التجارية الناس اليوم صارت تعرف العلامات من نبرة الصوت ، مو بس شكل الشعار اللي يميز العلامة، ولا الالوان، حتى الصوت كعلامة تجارية صار عنصر أساسي للهوية تخيل إن علامتك ترسل رسالة لعميل ، أو تنزل تغريدة، أو تسوي حملة، بدون حتى ما يشوفوا اسمك… جمهورك راح يعرف من أنت. 

• ووفقًا لدراسة أجرتها جامعة ليستر، فإن العلامات التجارية التي تستخدم موسيقى تتناسب مع هويتها كانت أكثر قابلية للتذكر بنسبة 96%مقارنة بتلك التي لا تستخدم موسيقى متوافقة مع هويتها. 
• كما أظهرت دراسة نشرتها شركة Ipsos عام 2020 أن الأصول الصوتية تزيد من فعالية الإعلانات بمعدل 3.44مقارنة بالإعلانات التي تعتمد فقط على العناصر البصرية. ​

بس وش يعني هوية صوتية بالضبط؟
ببساطة، هي أسلوبك بالكلام  طريقتك بالتعبير. النبرة، الكلمات، اللهجة، وحتى متى تسكت ومتى تتكلم.

خلنا  نبدأ بخطوات تصميمها:

أعرف أنت مين؟ قبل لا تختار نبرة صوتك، لازم تعرف شخصيتك كعلامة تجارية. هل أنت رسمي؟ طموح؟ فخم؟ بسيط؟
الهويّة الصوتية لازم تمثل جوهر البراند، وما تكون مركّبة عليه تركيب.مثال: براند يبيع منتجات فاخرة، مستحيل يتكلم بأسلوب عشوائي أو ساخر. والعكس صحيح.

حدد جمهورك لمين تتكلم؟ إذا كنت تخاطب شباب، ما راح تستخدم نفس الكلمات اللي تستخدمها مع مدير شركة.
كل ما فهمت جمهورك أكثر، كل ما صرت تعرف شلون تتكلم معهم بأسلوبهم، لكن بهويتك.

اسأل نفسك: كم عمر جمهورك؟وش اهتماماتهم؟وش نبرة الصوت اللي تخليهم يتجاوبون؟ 

اختر نبرتك و حدد طابع صوتك تبي صوتك يكون: ودود ولطيف؟ ذكي وسريع البديهة؟رسمي واحترافي؟مرح وخفيف دم؟
مو غلط تمزج أكثر من نبرة، بس لازم يكون في نغمة رئيسية ما تتغيّر، عشان جمهورك يميّزك دايمًا.

 استخدم كلماتك الخاصة لعلامتك التجارية لازم يكون لها قاموسها الصغير. كلمات دايمًا تستخدمها. طريقة معينة تقول فيها الأمور
مثلاً بدل ما تقول "اشترِ الآن"، تقول "خذه معك"، أو "اخطفه قبل يطير"، لو كانت نبرتك مرحة.حتى أسلوبك في الترحيب، التوديع، الاعتذار… كلها لازم تكون متناسقة مع هويتك الصوتية

 خلي عندك دليل صوتي 

لازم يكون عندك ملف داخلي فيه قواعد صوتك، يوضح:

كيف تكتب العناوين ,وش نوع العبارات المفضلة, وش تتجنب , أمثلة على صح وخطأ هالدليل يسهل التواصل المتناسق بين كل أقسام فريقك سواء سوشيال ميديا، خدمة العملاء، أو التسويق.

 خلك ثابت… بس مو جامد

ثبات الصوت مهم، بس لازم يكون فيه مرونة حسب المنصة. مثلاً، أسلوبك في تويتر (X) ممكن يكون أخف من أسلوبك في الإيميل. المهم؟ تبقى نبرتك واضحة، وما تطلع عن شخصيتك الأساسية.

وأخيرًا… ليه الهوية الصوتية مهمة؟

لأن الصوت يبني علاقة، الناس ترتبط بنبرة معيّنة، تتعلّق فيها، وتثق فيها. الهوية الصوتية تخلّي الناس يحسون إنهم يعرفونك، مو بس يعرفون منتجك.فإذا كنت تبي تبني علامة تجارية تعيش في الذاكرة؟  ابدأ من صوتك… وخله يعبّر عنك. 

اذا تبي تكون متفرد بهويتك الصوتية وتنعرف منها , تواصل معنا الأن !!