هالسنة العالم ما اجتمع في ملهم عشان يشوف وش بيصير في المستقبل !
اجتمع عشان يشوف وش بدأ يصير فعلًا
من 31 أغسطس إلى 3 سبتمبر، تستضيف ملهم النسخة الخامسة من LEAP 2026 تحت شعار Into New Worlds بحضور أكثر من 1,000 متحدث، و1,900 مستثمر، و1,800 علامة تقنية عالمية و600 شركة ناشئة
أرقام كبيرة، لكن القصة الأهم مو في عدد الحضور
القصة في حجم التحول اللي يصير حولنا، وكيف صارت التقنية تدخل في طريقة عمل الشركات، واتخاذ القرارات، وصناعة المحتوى، وتجربة العميل .
ومع انطلاق LEAP 2026 تجاوزت قيمة الإطلاقات والاستثمارات والشراكات المعلنة 15 مليار دولار في الذكاء الاصطناعي والتقنيات المتقدمة
يعني المستقبل اللي كنا نتكلم عنه قبل سنوات؟ جزء منه صار يُبنى اليوم .
من ملهم… إلى العالم
LEAP بدأ في الرياض عام 2022، واليوم وصل لنسخته الخامسة كحدث تقني عالمي يجمع شركات التقنية المستثمرين، الشركات الناشئة وصناع القرار في مكان واحد
ونسخة 2026 توسع النقاش لأكثر من مجال الذكاء الاصطناعي، الحوسبة السحابية، الأمن السيبراني، المدن الذكية التقنية المالية، الصحة، الفضاء، الألعاب والتنقل
لكن وسط كل هالتقنيات، فيه سؤال يهمنا كمسوقين
وش منها بيغير فعلًا طريقة تواصل العلامات مع جمهورها؟
الذكاء الاصطناعي دخل مرحلة جديدة
في السنوات الماضية، كان السؤال وش يقدر يسوي الذكاء الاصطناعي؟
اليوم السؤال تغير إلى وين نقدر نستخدمه فعلًا؟
وهذا واضح في LEAP 2026، من البنية التحتية ومراكز البيانات والحوسبة، إلى النماذج والتطبيقات المتخصصة في قطاعات مختلفة.
وأحد الإعلانات اللافتة للمجال الإبداعي جاء من تعاون Adobe ووزارة الاتصالات وتقنية المعلومات وHUMAIN ضمن الشراكة، أُعلن عن تطوير نموذج لتوليد الصور باستخدام Adobe Firefly Foundry، يكون مهيأً للثقافة السعودية ويدعم إنشاء صور تعكسها من خلال أوامر باللغة العربية
وهنا الموضوع يصير أكبر من أداة تصمم صورة
لأن التقنية كل ما فهمت لغتنا وسياقنا وثقافتنا أكثر، صار السؤال عن جودة الفكرة نفسها أكبر
الأداة تقدر تسرع التنفيذ، لكن وش نقول؟ ولمين؟ وبأي نبرة؟ ووش اللي يخلي الفكرة تشبه العلامة والجمهور فعلًا؟
هذي تظل أسئلة تسويقية قبل ما تكون تقنية
التقنية ما عاد تكفي لحالها
من الأشياء الواضحة في LEAP 2026 إن كثير من التحول التقني اليوم ما يدور حول امتلاك تقنية جديدة فقط، بل حول كيف تدخل التقنية في تجربة المستخدم نفسها
مثال على ذلك أطلقت وزارة السياحة خلال LEAP منصة موحدة للخدمات السياحية تجمع الوصول للخدمات عبر واجهة رقمية واحدة بهدف تسهيل الإجراءات وتحسين تجربة المستخدم
الفكرة هنا مهمة لأي علامة
العميل ما يهمه كم نظام يشتغل خلف الكواليس، يهمه إن تجربته تكون أسهل
وهذا ينطبق على الموقع، والمتجر، وخدمة العملاء، والـCRM، وحتى الحملات
ممكن تملك تقنيات كثيرة، لكن إذا كانت رحلة العميل بينها متقطعة، فالتقنية ما حلت المشكلة
البيانات تعرف كثير… لكن مين يعرف يستخدمها؟
كل ما زادت الأدوات الرقمية، زادت البيانات اللي نقدر نجمعها عن رحلة العميل
لكن امتلاك البيانات ما يعني تلقائيًا إن القرار صار أفضل
وهنا يجي دور الربط بين التقنية والاستراتيجية
من وين جاء العميل؟
وش المحتوى اللي تفاعل معه؟
وش الصفحة اللي دخلها؟
هل صار Lead؟
وش صار بعد ما وصل للمبيعات؟
لما تكون هالمعلومات موزعة بين أكثر من منصة وفريق، نشوف أجزاء من الرحلة
لكن لما ترتبط في منظومة واضحة، تبدأ البيانات تعطي صورة تساعد الفريق يتخذ قرار أفضل
وهذا بالضبط أحد الأسباب اللي تخلي أنظمة إدارة علاقات العملاء CRM والأتمتة، والتحليلات مهمة اليوم: مو لأنها تضيف تقنية جديدة للشركة، بل لأنها تساعد التقنية والبيانات تخدم قرارا واضح
طيب… وش علاقة التسويق في LEAP؟
كل شيء تقريبًا
لأن التحولات اللي نشوفها في التقنية ما توقف عند أقسام الـIT
الذكاء الاصطناعي دخل صناعة المحتوى
البيانات دخلت في فهم العميل
الأتمتة دخلت في إدارة رحلته
والتجربة الرقمية صارت جزء من قرار الشراء
وهذا يعني إن المسوق اليوم ما يحتاج يعرف كيف يستخدم كل تقنية جديدة، لكنه يحتاج يعرف وش منها يخدم هدفه ووين يستخدمها، ووش القيمة اللي تضيفها للعميل
وهنا الفرق بين شركة تستخدم التقنية وشركة تعرف ليش تستخدمها
من التقنية… إلى قيمة حقيقية
في ماز نكسا، نشوف التقنية كجزء من المنظومة التسويقية مو كحل منفصل عنها.
من HubSpot وأنظمة إدارة علاقات العملاء، إلى تطوير المواقع، وتحسين محركات البحث، وإدارة المحتوى والحملات الرقمية؛ التقنية تكون أقوى لما ترتبط باستراتيجية واضحة وتجربة عميل متكاملة.
لأن أسرع أداة ما تعوض فكرة ضعيفة، وأكبر كمية بيانات ما تفيد إذا ما تحولت إلى قرار، وأحدث تقنية ما تصنع أثر إذا ما عرفنا وين نستخدمها.
وهذا يمكن أهم شيء نطلع فيه من LEAP 2026:
التقنية تتغير بسرعة، لكن القيمة الحقيقية تبدأ لما نعرف كيف نوظفها.
ومن ملهم، العالم اليوم يشوف جزء من هالمستقبل وهو يتحول إلى واقع.
ملهم تُلهم العالم | LEAP 2026">
